Me sukses është përmbyllur sesioni i parë i trajnimit për trajnerët mbi përdorimin e sigurt të pesticideve, duke shënuar një hap të rëndësishëm drejt zhvillimit profesional të këtij sektori.
Trajnimi, i organizuar me një qasje të kombinuar ndërmjet përmbajtjes teknike dhe zhvillimit të shkathtësive të trajnimit dhe prezantimit, u udhëhoq nga trajnerja e mirënjohur znj. Manon Dohmen. Përmes përvojës së saj të pasur dhe ekspertizës së shkëlqyer, znj. Dohmen ndau njohuri të vlefshme për organizimin dhe realizimin e trajnimeve të suksesshme.
Gjatë këtij trajnimi, pjesëmarrësit patën mundësinë të përfshihen në aktivitete të shumta që synonin:
- Zhvillimin e aftësive profesionale dhe sjelljeve të nevojshme për të organizuar trajnime efektive.
- Mësimin dhe praktikimin e metodave interaktive, duke adoptuar një qasje moderne dhe të përfshirë në mësimdhënie.
- Fuqizimin e njohurive dhe shkathtësive përmes aktiviteteve praktike, të cilat ndihmuan në ndërtimin e një baze të fortë për trajnerët e ardhshëm.
Ky trajnim interaktiv dhe frymëzues jo vetëm që ngriti standardin për trajnime profesionale në sektorin e mbrojtjes së bimëve, por gjithashtu hapi rrugën për krijimin e një rrjeti trajnerësh të aftë për të përmirësuar praktikat në terren.
Falënderime të veçanta shkojnë për pjesëmarrësit, të cilët treguan përkushtim dhe gatishmëri për të mësuar dhe për të ndarë përvojat e tyre. Gjithashtu, një falënderim i posaçëm për trajneren znj. Dohmen për udhëheqjen e saj të shkëlqyer dhe angazhimin profesional.
Shpresojmë që këto aftësi të reja të jenë udhërrëfyese për suksesin e trajnerëve në të ardhmen dhe për zhvillimin e sektorit bujqësor në përgjithësi.
