Përgjigje:
Menaxhimi i barojave të padëshiruara është jashtëzakonisht i rëndësishëm sepse:
- Barojat e padëshiruara reduktojnë shumë rendimentin e kulturave të mbjellura, si dhe rritjen e tyre.
- Ato janë strehuese të dëmtuesve dhe sëmundjeve.
- Ata konkurrojnë drejtpërdrejtë me kulturën e mbjellur për faktorët e rritjes si rrezet e diellit, uji, lëndët ushqyese, hapësira. Kjo i bën bimët të dobëta dhe të ndjeshme ndaj sulmeve nga patogjenët.
- Disa nga këto baroja janë parazitare, të tjera janë të dëmshme kur hahen nga bagëtia dhe njerëzit.
- Disa baroja të padëshiruara mund të dëmtojnë kulturat e mbjellura duke prodhuar substanca toksike
- Ato mund të shkaktojnë probleme të vjeljes, veçanërisht ato që zhvillohen në fund të sezonit bimor.
Për kontrollin e barojave në kulturën e fasules, pas mbirjes ne rekomandojmë këto materie aktive. Për tregun e Kosovës ekzistojnë emra të ndryshëm komercial por, për më shumë informacion mund të konsultoheni me agronomin e barnatores bujqësore ku ju vendosni ta bleni produktin.
- Materia aktive (Fluazifop – p – butil 150 g/L) – Ky herbicid është një herbicid sistemik dhe selektiv shumë aktiv, i cili kontrollon shumicën e barojave të padëshiruara njëvjeçare dhe shumëvjeçare në kulturat gjethegjera, duke përfshirë fasulet, duhanin, domatet, specat, kungujt, dhe kulturat e tjera. Rekomandohet për t’u përdorur si një trajtim i hershëm pas daljes së barojave të padëshiruara në rritje aktive, në fazën 3-4 gjethe. Përdorimi i kësaj materie aktive duhet të bëhet në bazë të etiketës së kompanisë prodhuese, për shkak se qdo kompani i ka dozat e saj të rekomanduara e që mund të ndryshojnë varësisht nga kjo.
- Materia aktive (Bentazone 150g/L + Fomesafen 70g/L+ Quizalofop-p-etil 20 g/L) ose materia aktive Bentazone – Ky është një herbicid selektiv me spektër të gjerë që kontrollon barojat njëvjeçare në fushat e fasuleve. Rekomandohet të përdoret kur kultura e mbjellur është në fazën 2-5 gjethe.
Në qoftë se ju e dini se cilat baroja i keni prezente atëherë efikasiteti i produkteve që përdorni do të jetë më i madh.