Grupi i parë i trajnerëve për Përdorimin e Sigurt të Pesticideve ka përfunduar me sukses sesionin e parë. Ky trajnim, i cili pati një fokus të veçantë në zhvillimin e aftësive praktike dhe profesionale, nuk u kufizua vetëm në aspekte teknike, por gjithashtu inkurajoi zhvillimin e shkathtësive të trajnimit dhe prezantimit.
Trajnimi u mbajt nga trajnerja e mirënjohur znj. Manon Dohmen, e cila ndau me pjesëmarrësit njohuritë dhe eksperiencën e saj të pasur dhe të jashtëzakonshme. Gjatë këtyre ditëve intensive, pjesëmarrësit patën mundësinë të thellohen jo vetëm në teorinë e përdorimit të sigurt të pesticideve, por edhe të zhvillojnë aftësi të rëndësishme për menaxhimin dhe realizimin e trajnimeve të efektshme.
Përmes këtij trajnimi, ata kishin mundësinë të:
✅ Zhvillojnë aftësi të avancuara për organizimin e trajnimeve dhe menaxhimin e grupeve, me fokus në komunikimin e qartë dhe efektiv.
✅ Mësojnë dhe aplikojnë metoda moderne dhe interaktive të trajnimit që lejojnë një qasje më tërheqëse dhe të kuptueshme për audiencën.
✅ Pjesëmarrësit u angazhuan në aktivitete praktike që u ndihmuan të forcojnë njohuritë dhe shkathtësitë e marra, duke i mundësuar atyre të aplikonin atë që mësuan në situata reale.
Ky trajnim interaktiv dhe frymëzues shënoi një hap të rëndësishëm në përgatitjen e trajnerëve për të ofruar trajnime profesionale dhe efektive në të ardhmen, duke i pajisur ata me mjetet dhe njohuritë për t’u bërë udhëheqës të suksesshëm në fushën e trajnimeve.
Një falënderim i madh për të gjithë pjesëmarrësit për përkushtimin dhe angazhimin e tyre, si dhe për trajneren znj. Dohmen për udhëheqjen dhe mbështetjen e jashtëzakonshme gjatë gjithë procesit.
Shpresojmë që këto aftësi të zhvilluara do të jenë udhërrëfyese për suksesin e trajnerëve të rinj, të cilët do të ndikojnë në përhapjen e praktikave të sigurta dhe të qëndrueshme të përdorimit të pesticideve në të ardhmen.
Ky aktivitet u organizua nga Fondacioni AgroDev Kosovo & Agro Portal dhe u mbështet financiarisht nga KEP Trust – institucioni mikrofinanciar lider në Kosovë.
