Këtë verë, një treg ndryshe do të vijë më afër jush – duke sjellë në zemër të qyteteve tona prodhimet vendore, shijet autentike dhe historitë e njerëzve që çdo ditë punojnë për të krijuar produkte cilësore.
Tregu në Rrota është më shumë se një treg – është një udhëtim që lidh drejtpërdrejt prodhuesit me konsumatorët, duke krijuar mundësi që qytetarët të njohin nga afër punën, përkushtimin dhe pasionin që fshihet pas çdo produkti vendor.
Nga fermat dhe bizneset tona deri te tryezat e familjeve kosovare, kjo iniciativë synon të promovojë atë që prodhohet në vend, të mbështesë prodhuesit vendorë dhe të krijojë më shumë hapësirë për produktet cilësore të Kosovës.
Tregu në Rrota, një iniciativë nga Banka e Vendit dhe PePeKo, e mbështetur nga BERZH, vjen për të afruar qytetarët me prodhuesit, për të nxitur konsumimin e produkteve vendore dhe për të treguar historitë e suksesit që ndërtohen çdo ditë nga bizneset tona.
Nga 20 korriku deri më 1 gusht, Tregu në Rrota do të udhëtojë në shtatë qytete të Kosovës:
📍 20 korrik – Prishtinë
📍 22 korrik – Mitrovicë
📍 24 korrik – Pejë
📍 27 korrik – Gjakovë
📍 29 korrik – Prizren
📍 31 korrik – Ferizaj
📍 1 gusht – Viti
Në çdo ndalesë do të gjeni produkte vendore, histori të prodhuesve tanë dhe mundësinë për të qenë pjesë e një nisme që fuqizon ekonominë lokale.
Ejani, njihni prodhuesit, provoni shijet vendore dhe mbështesni punën që bëhet në Kosovë.
