Me afrimin e sezonit të vjeljes, çmimi i blerjes së rrushit për përpunim ndryshon ndjeshëm nga një vend në tjetrin, në varësi të varietetit, cilësisë dhe përmbajtjes së sheqerit.
Bullgaria – 0.30–0.55 €/kg
Në Ultësirën e Trakisë dhe rajonet kryesore të vreshtarisë, çmimet për varietetet standarde të rrushit të verës lëvizin në këtë interval.
Serbia – 0.50–1.00 €/kg
Për rrushin për përpunim industrial, si Smederevka, çmimet janë rreth 0.57–0.73 €/kg, ndërsa varietetet cilësore të kuqe dhe kategoritë premium arrijnë deri në 1.06 €/kg.
Bosnjë dhe Hercegovina – 0.45–0.75 €/kg
Në Hercegovinë, veçanërisht në Mostar dhe Çitlluk, çmimet e blerjes nga kantinat më të mëdha lëvizin në këtë interval.
Kosova – 0.35–0.45 €/kg
Në Kosovë, rrushi i destinuar për industrinë e verës raportohet të blihet me 0.35–0.45 €/kg, sipas të dhënave nga pikat e grumbullimit dhe kompanitë përpunuese.
Greqia – 0.90–1.20 €/kg
Për varietetet cilësore lokale dhe ndërkombëtare, si Assyrtiko, Merlot dhe Syrah, çmimet fillojnë nga rreth 0.90 €/kg.
Sllovenia – 0.60–1.50 €/kg
Çmimi bazë fillon nga 0.60 €/kg, ndërsa për varietetet e përzgjedhura dhe kategoritë premium mund të arrijë deri në 1.50 €/kg.
Mali i Zi – 0.80–1.20 €/kg
Për rrushin e zi për verë, veçanërisht Vranacin, çmimet ndryshojnë sipas cilësisë, sasisë dhe kohës së vjeljes.
Italia – 0.50–1.10 €/kg
Në jug, çmimet për rrushin e prodhuar në sasi të mëdha janë rreth 0.50–0.70 €, ndërsa zonat DOC/DOCG paguajnë më shumë.
Austria – 0.70–1.40 €/kg
Në rajonet kryesore të vreshtarisë, çmimet për varietete si Blaufränkisch dhe Zweigelt arrijnë nivele më të larta.
Shënim: Të dhënat për vendet e rajonit janë bazuar në informacionet e publikuara nga Nacionalna Zemjodelska Mreža. Për Kosovën, të dhënat janë siguruar nga pikat e grumbullimit dhe kompanitë që blejnë e përpunojnë rrushin, dhe i referohen çmimeve të blerjes direkte nga fermerët.
